Kaulinan Sunda

Alhamdulillah, dina dinten Salasa kamari ping 12 November 2024, QuraniKids School baris ngalaksanakeun acara Kaulinan Sunda, hiji kagiatan nu boga tujuan pikeun ngenalkeun deui budaya jeung basa Sunda ka sakumna murid.

Program ieu disambut ku antusiasna para murid, guru, jeung kolot-kolot murid anu turut hadir. Aranjeunna resep kana kasempetan pikeun diajar ngeunaan tradisi Sunda anu loba sarta rupa-rupa.

Dina kagiatan ieu, murid-murid dikenalkeun kana rupa-rupa parabot dapur tradisional anu biasa dipaké ku nini aki sarta uyut maranéhna jaman baheula. Ti mimiti boboko, aseupan, anglo, nepi ka hihid, ieu parabot teu ngan ukur ngajar sajarah, tapi ogé méré pangaweruh ngeunaan kahirupan sapopoe karuhun urang anu pinuh ku kearifan lokal anu ayeuna geus jarang kapanggih.

Teu ngan ukur parabot dapur, murid-murid ogé dikenalkeun kana rupa-rupa kaulinan tradisional Sunda anu ayeuna geus langka. Kaulinan saperti engklek, oray-orayan, bobonekaan tina tangkal cau, bebeletokan tina awi, jeung sajabana, ngahirupkeun deui suasana babarengan anu sederhana tapi pinuh ku harti.

Sakabéh murid katingalina bungah. Maranéhna ngarasakeun kabagjaan dina maén kaulinan anu merlukeun gawé babarengan, ketangkasan, sarta kabungah dina kebersamaan.

Kaulinan Sunda ieu henteu ngan ukur jadi kagiatan hiburan; tapi oge jadi momen edukatif pikeun murid-murid QuraniKids School supaya maranéhna tiasa ngarti sarta ngahargaan kana kakayaan budaya Sunda. Kalayan program sapertos kieu, diharepkeun generasi ngora bisa ngajaga sarta ngalestarikeun budaya karuhun di tengah kamajuan jaman.[]

Sakilas acarana tiasa dipintonan di Dokumentasi Kaulinan Sunda